Bann Modele Presentation

Pou Commence Bann l’Etude la Bible Premier Samedi dan Mois Janvier

“Mo ti pou content konn ou l’opinion lor Bondié. Dapré ou, couma Li appelé? [Laisse dimoune-la reponn.] Guetté ki li dire ici.” Donne dimoune-la La Tour de Garde Janvier – Février, en Créole, ek examine ensam premier sous-titre ki ena lor dernier page ek lire au moins enn verset ki’nn cité. Offert li bann periodik, ek faire l’arrangement pou retourné pou examine prochain question.

La Tour de Garde Janvier – Février

“Beaucoup dimoune pé koz lor la fin du monde sa dernier temps-la. Eski ou pensé nou bizin peur la fin du monde? [Laisse dimoune-la reponn.] Dapré sa verset-la pou ena bann survivant. [Lire 1 Jean 2:17.] Sa magazine-la montré reponse ki la Bible donné pou quatre question ki souvent bann dimoune pose-zot lor la fin du monde.”

Réveillez-vous! Janvier

“Nou pé visite bann famille pou partage avek zot bann pensée ki bien utile. Eski ou pensé ki li important ki bann famille mette en pratik sa bann parole ki Jésus ti dire-la? [Lire Actes 20:35b. Apré laisse dimoune-la reponn.] Li kapav bien difficile pou enseigne bann zenfant pou pense lezot dan enn le monde kot sakenn guette zis pou li. Sa lartik-la donne deux-trois conseil pratik pou ki bann parent kapav aide zot bann zenfant pou ena consideration pou lezot.”