Nou Site Internet Officiel—Faire Nou ek Lezot Tire Profit
Jésus ti donne nou l’ordre pou preche la bonne nouvelle lor Royaume Bondié “partout kot dimoune resté lor la terre couma enn temoignage pou tou bann nation.” (Mat. 24:14) Pou aide nou ‘accompli nou ministere a fond,’ l’organisation inn faire bann site watchtower.org, jw-media.org, ek jw.org vinn enn sel. Asterla nou sel site officiel c’est jw.org, ki ena enn nouveau look.—2 Tim. 4:5.
“Partout kot Dimoune Resté”: Environ enn tiers population la terre servi Internet. Pou beaucoup dimoune, surtout pou bann jeune, c’est moyen principal pou gagne accès ar bann l’information. Nou site donne bann dimoune ki servi Internet bann reponse ki sur concernant bann question Biblik. Li presente zot l’organisation Jéhovah ek li pli facile pou zot demann enn l’etude la Bible gratis. Li permette la bonne nouvelle rente dan bann l’endroit kot bann dimoune pa trop gagne l’occasion tann message lor Royaume Bondié.
“Tou Bann Nation”: Pou ki kapav rann temoignage ar “tou bann nation,” nou bizin partage bann verité Biblik dan different langue. Bann dimoune ki al lor site jw.org kapav facilement gagne bann l’information dan environ 400 langue, alors ki lor lezot site Internet disponible dan zis deux-trois langue.
Servi Li Bien: L’objectif nou nouveau site Internet jw.org, c’est pa zis pou rann temoignage ar bann dimoune ki pa Témoins. Bann Témoins de Jéhovah aussi pou kapav servi sa site-la. Si ena Internet kot ou, nou encourage ou pou familiarise-ou avek jw.org. Dan sa supplement-la ena bann suggestion couma pou servi sa.
[Zimage page 3]
(Guette publication)
Essaye Sa
1 Dan programme ki ou servi pou al lor Internet, la-haut tape www.pr418.com.
2 Click kot ena bann titre, menu, ek link pou al lor different partie sa site-la.
3 Essaye servi jw.org lor lezot l’appareil electronik ki connecté avek Internet. Page Internet-la pou adapté ar ou l’ecran mem si li pli tipti, ek bann l’information ki ou pou gagné pou pareil.