Servi Sit jw.org dan To Minister—« Deviens l’ami de Jéhovah »
Dan ribrik « La Bible et vous » lor sit jw.org ena enn seksion pou bann zanfan ki apel « Deviens l’ami de Jéhovah, » kot ena bann sante, bann video ek bann aktivite. Eski to’nn servi seki ena dan sa seksion-la dan to minister? Si to pe fer enn letid avek enn paran ki ena bann tipti zanfan, kifer to pa esey montre li sa seksion-la? Kitfwa sa kapav pous li pou al get osi lezot seksion lor nou sit Internet.
Kan enn frer ti pe distribie Nouvel lor Rwayom No. 38, li ti zwenn enn madam ki ti koumans lir sa trak-la deswit kouma frer-la ti kit sa ar li. Madam-la ti ena plizir tipti zanfan ki ti pe anvi konn plis lor sa trak-la. Frer-la ti explik zot inpe seki ena dan trak-la ek ti atir zot latansion lor ladres nou sit ki trouv lor dernie paz. Lefe ki madam-la ti interese, frer-la ti profit lokazion pou zwe enn video Caleb lor so portab pou ki madam-la ek so bann zanfan kapav gete.
Enn ser ti koz lor nou sit avek enn so koleg travay ki ti ena bann tipti zanfan ek ti koz lor bann ransegnman ki sa sit-la done pou bann fami. Koleg-la ti al lor jw.org ansam avek so bann zanfan. Plitar, sa koleg-la ti rakont ser-la ki so bann zanfan ti pe fer letour lakaz ti pe sant « Prêche la parole, » enn bann sante ki ena dan seksion « Deviens l’ami de Jéhovah. »
Aprann plis lor sa seksion-la ek download enn bann video, sante, ouswa aktivite lor to portab ouswa lor to tablet. Koumsa, to pou kapav servi sa seksion-la dan to minister. Se vremem enn zouti extraordiner ki ed nou pou travay kouma esklav pou Lesegner!—Zist. 20:19.