Nou Site Internet Officiel—Servi Li dan Ou Ministere
Encourage Bann Dimoune Pou Al lor Nou Site Internet: Certain ki hesité pou koz avek nou ou-soit hesité pou accepté nou bann publication, kapav decide pou al lor nou site jw.org kot zot, pou gagne plus l’information lor bann Témoins de Jéhovah. Ala kifer li bon nou servi tou l’occasion pou koz lor nou site.
Reponn Bann Question: Parfois enn dimoune ki interessé ou-soit enn dimoune ki ou koné, kapav pose enn question lor bann Témoins de Jéhovah ou-soit lor nou bann croyance. Servi enn l’appareil electronik ou-soit enn computer pou montré li reponse-la desuite. Souvent li pli bon ki ou lire bann verset ki’nn cité directement dan la Bible. Si dan sa ler-la ou pa kapav al lor Internet, explik dimoune-la couma li kapav servi site jw.org pou gagne reponse so question par li-mem.—Al dan section “ La Bible et vous/Questions bibliques ” ou-soit “ Qui sommes-nous ?/Questions fréquentes. ”
Envoye enn Lartik Ou-soit enn Publication enn Kikenn Ki Ou Koné: Envoye ensam avek enn e-mail enn PDF ou-soit enn EPUB ki ou’nn download. Ou-soit download enn publication dan format audio lor enn CD. Chaque fois ki ou donne enn dimoune ki pa baptisé enn livre, enn brochure, ou-soit enn periodik en entier dan format electronik, ou kapav compte sa couma enn publication ki ou’nn placé. Kan ou pé envoye bann publication, pa envoye enn quantité ek bann dimoune bizin koné kisannla pé envoye sa. Fodé pa aussi mette bann publication lor lezot site Internet.—Al dan section “Bann publication.”
Montré Bann Dernier Nouvelle Concernant Bann Témoins de Jéhovah: Sa pou aide bann dimoune ki pé etudié ek bann ki ou pé rann visite pou augmente l’appreciation pou travail ki nou pé faire dan le monde entier ek pou nou l’unité Chretien. (Ps. 133:1)—Al dan section “ Actualités. ”
[Zimage page 5]
(Guette publication)
Essaye Sa
1 Rente dan section “Bann publication,” rod lartik ki ou envie download, ek click lor format texte ou-soit format audio ki ou envie.
2 Click lor “MP3” pou gagne la liste chaque lartik. Click titre lartik-la pou download li ou-soit ▸ pou ecoute li lor Internet (si li disponible dan ou langue).
3 Choisir enn lot langue dan sa la liste-la si ou envie download enn publication dan sa langue-la.