Prepare-Ou pou Mémorial Avek enn Leker Joyeux
1. Lepok Mémorial donne nou l’occasion pou faire ki kitsoz?
1 Mémorial ki pou faire Mardi 26 Mars donne nou enn bon l’occasion pou montré nou la joie pou seki Bondié inn faire pou sauve nou. (Is. 61:10) Mem avant sa celebration-la, la joie ki nou ena pou aide nou pou prepare-nou bien. Couma?
2. Ki pousse nou pou faire bann preparation pou Mémorial?
2 Prepare-Nou pou Celebré Mémorial: Repas Nou Seigneur c’est enn celebration bien important mais simple. Kan-mem, sa demann enn preparation a l’avance pou ki nou pa blié bann detail important. (Prov. 21:5) Bizin choisir ler ek enn l’endroit approprié pou sa celebration-la. Bizin faire l’arrangement pou gagne bann l’embleme approprié. L’endroit kot pou faire sa reunion-la bizin prop ek paré pou sa l’evenement-la. Frere ki pou faire discours bizin prepare-li bien. Bann serveur ek bann frere ki pou occupe service l’accueil bizin gagne bann instruction precis. Pena doute ki enn grand partie sa bann l’arrangement-la inn fini faire. Reconnaissance pou la ranson, disposition ki Bondié inn prend pou sauve bann dimoune, pousse nou pou prepare-nou bien pou sa l’evenement sacré-la.—1 Pierre 1:8, 9.
3. Couma nou kapav prepare nou leker pou celebré Repas Nou Seigneur?
3 Prepare Nou Leker: Li bien important ki nou prepare nou leker pou bien comprend grand signification ki Mémorial ena. (Ezra 7:10) Pou sa, nou bizin reserve le temps pou examine portion la Bible ki’nn prevoir pou Mémorial ek reflechi lor bann dernier jour ki Jésus ti passé lor la terre. Kan nou medite lor l’esprit sacrifice ki Jésus inn manifesté, sa pou motive nou pou imite li.—Gal. 2:20.
4. Parmi bann bienfait ki nou gagné grace a la ranson, lekel faire ou gagne plus la joie?
4 La mort Christ justifié droit ki Jéhovah ena pou dirigé. Sa libere nou ar peché ek la mort. (1 Jean 2:2) Sa permette nou pou ena bann bon relation avek Bondié ek pou gagne la vie eternel. (Col. 1:21, 22) Sa aide nou aussi pou plus determiné pou vive en accord avek voeu ki nou’nn faire envers Jéhovah ek pou contigne suive Jésus. (Mat. 16:24) Ki ou la joie contigne grandi a mesure ki ou pé prepare-ou pou assisté Mémorial ki pé vini!