Bann Model Prezantasion
Pou Koumans Bann Letid Labib Premie Samdi dan Mwa Fevriye
“Bann dimounn avek ki nou’nn koze ena diferan lopinion lor Labib. Sertin panse ki se Parol Bondie, alor ki lezot konsider li kouma enn liv parey kouma tou lezot liv. Kouma ou konsider Labib ou?” Les dimounn-la reponn. Montre li dernie paz La Tour de Garde 1e Fevriye, ek examinn ansam bann paragraf anba premie kestion ek omwin enn bann verse ki’nn site. Ofer dimounn-la bann magazinn, ek fer laranzman pou retourne pou examinn prosin kestion.
La Tour de Garde 1e Fevriye
“Laplipar dimounn ti pou kontan ki nepli ena lager. Eski ou panse ki enn zour pou kapav vremem ena lape lor later? [Les dimounn-la reponn.] Gete ki Labib promet. [Lir Psaume 46:9.] Seki interesan, bann levennman ki finn ena pandan Premie Ger Mondial ek apre donn nou lasirans ki biento Bondie pou realiz sa profesi-la ek pou fer an-sort ki nepli ena lager. Sa magazinn-la explik sa.”
Réveillez-vous! Fevriye
“Nou pe rann enn ti vizit bann dimounn pou koz lor enn problem ki bien komin. Nou ena linpresion ki zame nou ena ase letan pou fer tou bann kitsoz ki nou anvi. Eski ou panse ki nou program bien ranpli parski nou ena tro boukou kitsoz pou fer ouswa parski nou gaspiy boukou nou letan? [Les dimounn-la reponn.] Boukou dimounn pa kone ki Labib donn bann konsey pratik pou bien servi nou letan. Anou get enn lexanp. [Lir Philippiens 1:10a.] Sa magazinn-la montre kat mwayin ki’nn ed bann dimounn pou servi zot letan pli bien.”