Bann Modele Presentation
Pou Commence Bann l’Etude la Bible Premier Samedi dan Mois Février
“Beaucoup dimoune pensé ki c’est Satan le Diable ki derriere bann mechanceté ki ena dan le monde. Mais selman zot demann-zot: ‘Kot-sa Satan le Diable sorti? Eski Bondié ti crée li?’ Ki ou pensé? [Laisse dimoune-la reponn.] Guette seki nou lire ici.” Montré lartik ki ena lor dernier page La Tour de Garde 1er Février, en Français, ek examine premier paragraphe ek verset ki’nn cité. Offert li bann periodik, ek faire bann l’arrangement pou retourné pou examine prochain question.
La Tour de Garde 1er Février
“Nou ti pou content konn ou l’opinion lor enn dimoune ki bann Chretien, bann Juif, ek bann Musulman bien respecté. Sa dimoune-la c’est Moïse. Kan ou tann sa nom-la ki premier kitsoz ou pensé? [Laisse dimoune-la reponn.] Mem si Moïse ti faire bann erreur, li interessant pou guetté couma la Bible decrire li. [Lire Deutéronome 34:10-12.] Sa magazine-la koz lor trois parmi bann qualité ki li ti manifesté ek montré couma nou kapav imite li.”
Réveillez-vous! Février
“Azordi, nou trouvé ki li’nn vinn normal ki bann dimoune al immigré dan lezot pays pou rod enn meilleur la vie. Eski ou pensé ki touletan zot gagne seki zot pé rodé? [Laisse dimoune-la reponn.] Depuis bien longtemps bann dimoune faire sa. Guette enn l’exemple ki trouve dan premier livre la Bible. [Lire Genèse 46:5, 6.] Sa magazine-la examine sa bann question-la.” Montré dimoune-la bann question ki ena a la fin page 6.