Bann Model Prezantasion
Pou Koumans Bann Letid Labib Premie Samdi dan Mwa Mars
“Nou pe rann enn ti vizit bann dimounn akoz enn levennman ki pou ena 14 Avril. Sa dat-la se laniverser lamor Jésus. Sertin pou selebre sa levennman-la parski pou zot, lamor Jésus li inportan. Lezot pa sir seki sa lamor-la reprezante. Eski ou panse ki lamor Jésus kapav fer ou ek mwa gagn bann bienfe?” Les dimounn-la reponn. Montre li dernie paz La Tour de Garde 1e Mars, ek examinn ansam bann paragraf anba premie kestion ek omwin enn bann verse ki’nn site. Ofer dimounn-la bann magazinn, ek fer laranzman pou retourne pou examinn prosin kestion.
La Tour de Garde 1e Mars
“Boukou dimounn demann zotmem kifer Bondie pa pe fer nanye pou tir linzistis ek soufrans ki ena dan lemond. Eski ou panse se akoz Bondie pa interese ar nou, ouswa se parski Li panse li bon ki bann dimounn soufer? [Les dimounn-la reponn. Apre sa lir Jean 3:16.] Mem si boukou sit sa verse-la pou montre ki Bondie interese ar nou, an realite zot pa sir kouma zot kapav gagn bann bienfe gras-a lamor garson Bondie. Sa magazinn-la explike kouma lamor Jésus kapav tir linzistis ek soufrans lor later.”
Réveillez-vous! Mars
“Nou pe zwenn bann dimounn pou enn ti moman pou esey eklersi enn fos lide ki boukou dimounn ena konsernan sa verse Labib-la. [Lir Genèse 1:1.] Sertin krwar ki liniver finn kree, alor ki lezot non. Me ou, ki ou panse? [Les dimounn-la reponn.] Boukou dimounn trouv sa difisil pou krwar dan kreasion parski bann sef relizie ansegn bann kitsoz ki Labib pa vremem dir. Sa magazinn-la montre lexplikasion lozik ki nou kapav fer konfians ki Labib done konsernan koumansman liniver.”