Bann Model Prezantasion

Pou Kanpagn Linvitasion Memoryal

“Nou kontan invit ou pou enn levennman bien inportan. Sa se ou linvitasion. Le 3 Avril, plizir milyon dimounn dan lemond antie pou komemor lamor Zezi Kris. Zot pou ekout osi enn diskour Biblik ki pou explike ki bienfe nou kapav gagne gras-a so lamor. Lor sa linvitasion-la ou pou trouv ler ek ladres kot pou fer sa renion-la dan ou landrwa. Lantre gratis.”

Latour Degard 1^e Mars

“Le 3 Avril, nou pou komemor lamor Zezi Kris. Sertin dan landrwa pou zwenn ansam sa zour-la pou komemor sa levennman la. Me ena boukou ki konsider lamor Zezi kouma enn kitsoz banal. Ou, ki ou panse? Eski ou panse lamor ek rezireksion Zezi kapav fer nou gagn bann bienfe? [Les dimounn-la reponn.] Get seki Parol Bondie dir lor la. [Lir 1 Korintien 15:22, 26.] Sa magazinn-la koz lor enn bienfe ki nou pou gagne dan lavenir gras-a sakrifis Zezi, setadir ki enn zour, personn pa pou mor lor later.”

Réveillez-vous! Mars

“Nou pe vizit bann dimounn pou montre zot sa nouvo Réveillez-vous ! la. [Montre dimounn-la kouvertir.] Sak dimounn ena so lopinion lor sa premie kestion-la: ‘Eski ena enn Bondie?’ Dapre ou, kisannla ki trouv lavenir dan enn fason pli pozitif​—bann ki krwar dan Bondie ouswa bann ki pa krwar? [Les dimounn-la reponn.] Les mo montre ou enn promes Bondie ki’nn donn boukou dimounn lespwar. [Lir Psom 37:10, 11.] Sa magazinn-la sit kat rezon ki pous enn dimounn pou fer bann resers pou kone si Bondie existe.”