Bann Model Prezantasion
Pou Kanpagn Linvitasion Memoryal
“Nou pe invit ou pou enn levennman bien inportan. Le 14 Avril, plizir milyon dimounn dan lemond antie pou komemor lamor Jésus Christ. Zot pou ekout osi enn diskour Biblik ki pou explike ki bienfe nou kapav gagne gras-a so lamor. Lor sa linvitasion-la ou pou trouv ler ek ladres kot pou fer sa renion-la dan ou landrwa. Lantre gratis.”
La Tour de Garde 1e Avril
“Nou pe fer enn ti vizit pou koz lor enn kitsoz ki laplipar dimounn abitie fer. Preske tou dimounn, mem ki relizion nou ete, nou finn deza priye. Eski ou panse ki Bondie reponn nou lapriyer? Ouswa pou ou, lapriyer se zis enn kitsoz ki ed nou santi nou bien kan nou gagn bann problem? [Les dimounn-la reponn.] Remarke ki Labib dir lor lapriyer. [Lir 1 Jean 5:14.] Sa magazinn-la explike ki bann bienfe nou gagne kan nou priye.”
Réveillez-vous! Avril
“Nou’nn vinn devan ou laport pou ed ou an rapor avek enn problem ki boukou dimounn pe gagne zordi. Sertin dimounn telman nepli kapav siport zot sitiasion ki zot anvi sisid zot. Kan enn dimounn li demoralize koumsa, eski ou panse ki vremem li anvi mor, ouswa li zis anvi aret soufer? [Les dimounn-la reponn.] Les mo montre ou enn promes ki trouv dan Labib ki’nn ed boukou pou gard enn latitid pozitif. [Lir Révélation 21:3, 4.] Sa magazinn-la met laksan lor trwa bon rezon ki kapav pous enn dimounn pou kontign viv malgre bann problem ki li pe gagne.”