Explik Nou Krwayans lor 1914

Labib dir nou ki nou bizin “pre pou defann” nou bann krwayans, ek pou “fer li avek douser ek enn gran respe.” (1 Pierre 3:15) Li vre ki parfwa nou kapav trouv sa difisil pou explik bann lansegnman bien profon ki ena dan Labib, par exanp kouma nou kone ki Rwayom Bondie inn koumans dirize an 1914. Pou ed nou, lorganizasion finn prepar de lartik “Konversasion Avek enn Temwin Jéhovah​—Kan Eski Rwayom Bondie Inn Koumans Dirize?” Nou kapav trouv sa bann lartik-la dan bann Latour Degard ki nou pe propoze pandan mwa Oktob ek Novam. Dan sa de lartik-la, to pou trouv diferan metod ki Cameron, proklamater dan sa senario-la inn servi. Pandan ki to pou examinn sa bann lartik-la, esey reponn sa bann kestion anba la:

Kouma li’nn . . .

• felisit dimounn-la pou bann kitsoz pozitif ki li’nn fer?​—Actes 17:22.

• montre so limilite kan li pe explik so bann krwayans?​—Actes 14:15.

Kifer li bon ki li’nn . . .

• fer enn ti rezime avan li explik enn lot pwin?

• fer enn ti poz detanzantan ek demann dimounn-la si li’nn konpran seki li’nn explike ziska ler?

• evit donn tro boukou explikasion dan enn sel konversasion?​—Jean 16:12.

Nou ena enn gran rekonesans anver Jéhovah, nou “Gran Instrikter,” ki form nou pou nou ansegn bann dimounn ki swaf laverite, bann verite profon ki ena dan Labib!​—Is. 30:20.