Bann Model Prezantasion
Pou Koumans Bann Letid Labib Premie Samdi dan Mwa Desam
“Nou pe rann enn ti-vizit bann fami. Boukou paran ti pou anvi ki zot zanfan kontan Bondie. Eski ou panse se enn kitsoz ki bann zanfan bizin aprann par zotmem ouswa se zot paran ki bizin ansegn zot sa?” Les dimounn-la reponn. Montre li dernie paz Latour Degard 1e Desam, an Franse. Examinn ansam bann paragraf anba premie kestion ek lir omwin enn verse ki’nn site. Ofer li bann magazinn, ek fer laranzman pou retourne pou examinn prosin kestion.
La Tour de Garde 1e Desam
“Nou pe rann enn ti-vizit pou koz lor Bondie. Nou kone ki sak dimounn ena zot lopinion lor Bondie. Dapre ou, kouma laplipar dimounn konsider Li? Kouma enn lafors invizib ouswa kouma enn kamarad ki pran nou traka? [Les dimounn-la reponn.] Sa verse Labib la montre ki kalite relasion Bondie anvi nou ena avek Li. [Lir Jacques 4:8a.] Sa magazinn-la koz lor trwa kitsoz ki nou kapav fer pou vinn pli pros avek Bondie.”
Réveillez-vous! Desam
“Nou pe rann enn ti-vizit pou koz lor enn problem lasante ki afekte boukou dimounn. Dapre Lorganizasion Mondial Lasante, enn dimounn lor kat pou gagn enn problem mantal kouma depresion, enn sertin moman dan so lavi. Ki ou panse? Eski sa problem-la pe afekte pli boukou dimounn zordi? [Les dimounn-la reponn.] Labib dir nou ki dan lavenir tou bann maladi ek douler pou disparet. [Lir Révélation 21:3, 4.] Sa magazinn-la koz lor de-trwa kitsoz ki tou dimounn bizin kone lor bann problem mantal.”