Partaz “Bann Bon Kitsoz” Kan Nou Montre Lospitalite (Mat. 12:35a)

Pena okenn dout ki nou tou, nou anvi partaz bann “bon kitsoz” avek lezot kan nou “montre lospitalite.” (Rom. 12:13) Bann ansien donn lexanp kan zot pran bann dispozision pou ranbours fre transpor bann orater ki sorti dan lezot kongregasion ek pou montre lospitalite anver zot. Me kitfwa personelman nou ezite pou montre lospitalite parski nou pena boukou mwayin, ouswa nou per pou invit dimounn kot nou. Me konsey ki Jésus ti donn Marthe kapav ed nou pou sirmont sa bann santiman-la. (Luc 10:39-42) Li ti montre sirtou ki “pli bon porsion” lospitalite se konpagni lezot ek lankourazman ki nou kapav done, pa bann gran-gran repa ouswa enn bel lakaz. Kan nou aplik sa konsey-la, nou tou nou pou kapav partaz bann “bon kitsoz” avek nou bann frer ek ser, an-akor avek Parol Bondie.​—3 Jean 5-8.