Avek Zel, Anou Motiv Nou Kamarad pou Fer Lebien

Ebre 10:24 dir: “Anou panse kouma nou kapav ankouraz [“motiv,” dapre not, NW] nou kamarad pou ena lamour ek pou fer dibien.” Nou motiv nou bann frer par nou lexanp ek kan nou exprim nou lafwa. Partaz to bann bon lexperyans avek zot. Les zot trouv lazwa ki to ena pou servi Zeova. Me anmemtan, evit fer bann konparezon initil. (Gal. 6:4) Servi to bann pwin for pou motiv lezot “pou ena lamour,” pa pou fer zot santi zot koupab. (Get liv École du ministère, p. 158 ¶3.) Si nou ankouraz lezot pou ena lamour, otomatikman zot pou fer lebien, setadir zot pou ed lezot lor plan materyel ouswa spiritiel.​—2 Kor. 1:24.