Nou Kreater Beni Nou pou Touletan

Bondie ti promet profet Abraam ki “tou bann nasion lor later” pou beni gras-a enn so bann desandan. (Zenez 22:18) Kisannla ti pou sa desandan-la?

Inn gagn apepre 2,000 an, Bondie ti donn Zezi, ki ti enn desandan Abraam, pouvwar pou fer bann gran mirak. Sa ti montre ki se gras-a Zezi ki tou bann nasion ti pou gagn bann benediksion ki Bondie ti promet Abraam.​—Galat 3:14.

Sa bann mirak-la ti ed bann dimounn pou rekonet ki se Zezi ki Bondie finn swazir pou beni limanite, ek sa ti osi montre kouma Bondie pou servi li pou beni limanite pou touletan. Anou gete kouma bann mirak ki Zezi ti fer ti met laksan lor so bann zoli kalite.

Lafeksion​—Zezi ti geri bann ki malad.

Enn zour, enn misie ki ena lalep ti sipliy Zezi pou geri li. Zezi ti tous li ek ti dir: “Samem mo volonte!” Deswit, lalep-la ti disparet.​—Mark 1:40-42.

Zenerozite​—Zezi ti nouri bann ki fin.

Zezi pa ti anvi ki bann dimounn res san manze. Dan omwin de lokazion, gras-a enn mirak, Zezi ti nouri bann milye dimounn avek de-trwa dipin ek ti pwason. (Matie 14:17-21; 15:32-38) Apre sa, zot tou ti rasazie ek boukou manze ti reste.

Konpasion​—Zezi ti redonn lavi bann dimounn ki’nn mor.

Zezi ‘so leker ti fer mal’ kan li ti trouv enn vev pe plor lamor so sel garson ek ki ti nepli ena personn pou okip li, lerla li ti redonn sa garson-la lavi.​—Lik 7:12-15.