Zeova Kontan Bann Dimounn Ki Prop

“Lav to lame. Netway to lasam. Pas balie. Zet salte.” Boukou paran aprann zot bann zanfan kouma pou res prop lor plan fizik. Me selman, bann prinsip konsernan propte sorti kot nou Bondie ki sin. (Ex 30:18-20; Dt 23:14; 2Ko 7:1) Kan nou gard nou lekor ek bann kitsoz ki nou ena prop, nou donn loner Zeova. (1Pi 1:14-16) Ki nou kapav dir lor nou lakaz ek lanvironnman ki o-tour nou? Konpare ar bann dimounn ki zet salte lor semin ek dan bann zardin, bann Kretien fer tou seki zot kapav pou gard later prop. (Ps 115:16; Rev 11:18) Mem dan bann ti kitsoz, kouma par exanp kot nou zet bann papie bonbon, bann kan ek bann boutey, ouswa bann chinggam, montre ki latitid nou ena lor propte. Dan sak domenn nou lavi, nou anvi “prezant noumem kouma bann serviter Bondie.”​—2Ko 6:3, 4.

GET VIDEO BONDIE KONTAN BANN DIMOUNN KI PROP, EK APRE SA, REPONN SA BANN KESTION-LA:

• Ki bann pretext sertin kapav done pou pa gard zot bann kitsoz prop?

• Kouma Lalwa Mozaik montre seki Zeova panse lor propte?

• Kouma nou kapav donn loner Zeova san dir enn mo?