Ki Kantite Valer Parol Bondie Ena pou Twa?

Dan Labib ena bann panse ek bann parol Zeova, sa Kikenn ki finn fer ekrir sa liv sakre la. (2Pi 1:20, 21) Kan Labib montre ki se gras-a Rwayom Bondie ki pou defann drwa ki Bondie ena pou regne, sa donn limanite an-antie lespwar ki enn pli bon lavenir pe atann zot. Labib fer nou konn osi personalite nou Papa ki dan lesiel, Zeova, ki ranpli ar lamour.​—Ps 86:15.

Sakenn parmi nou apresie Parol Zeova pou diferan rezon. Me, eski nou montre ki nou apresie sa kado ki ena boukou valer la kan nou lir li toulezour ek aplik li dan nou lavi? Par nou bann aksion anou montre ki nou partaz mem santiman ki enn ekrivin Psom ki ti dir: “O komie mo kontan to lalwa!”​—Ps 119:97.

GET VIDEO ILS ATTACHAIENT DE LA VALEUR À LA BIBLE​—EXTRAIT (WILLIAM TYNDALE), EK APRE SA, REPONN SA BANN KESTION-LA:

• 

  Kifer William Tyndale ti tradir sertin parti dan Labib?

• Kifer bann zefor ki li ti fer pou tradir Labib ti extraordiner?

• Kouma bann kopi Labib Tyndale ti rant an dous dan l’Angleterre?

• Kouma sakenn parmi nou kapav montre ki Parol Bondie ena boukou valer pou li?