“Later Antie Ti Koz Enn Sel Lang ek Bann Mem Mo”

11:1-4, 6-9

Dan Babel, ti ena bann dimounn ki pa ti obeir Zeova. Alor, Zeova ti fer zot koz diferan lang pou ki zot al dan diferan landrwa. Azordi, Zeova pe rasanble enn gran lafoul ki sorti dan tou bann nasion ek lang ek Li pe donn zot “enn lang ki sin” pou ki zot “loue nom Zeova, pou ki zot servi Li kot-a-kot.” (Sf 3:9; Rev 7:9) “Lang ki sin” se laverite lor Zeova ek so bann proze, laverite ki trouv dan Labib.

Kan nou aprann enn nouvo lang nou bizin fer plis ki zis aprann bann nouvo mo par ker. Nou bizin koumans pans dan enn nouvo fason. Li parey kan nou aprann “lang ki sin,” setadir laverite, sa transform nou fason panse. (Rom 12:2) Se enn kitsoz ki nou bizin kontign fer ek ki ed pep Bondie pou viv dan linite.​—1Ko 1:10.