Eski To Kapav Donn To Letan ek To Lenerzi?

Parey kouma Izai ti profetize, azordi dan parti lorganizasion Zeova ki lor later ena lakrwasman kouma zame pa’nn ena avan. (Iz 54:2) Avek tou sa bann progre-la pe bizin konstrir bann Lasal Renion, bann Lasal Lasanble, ek bann Betel. Apre konstriksion, bizin fer mintenans, ek bizin osi fer renovasion lor sertin sa bann batiman-la. Sa donn nou lokazion pou donn nou letan ek nou lenerzi Zeova. Kouma?

• Nou kapav partisipe kan se nou group predikasion ki ena pou netway Lasal Renion

• Nou kapav port nou volonter pou gagn formasion lor mintenans nou Lasal Renion

• Nou kapav ranpli form Demande d’admission comme volontaire local développement-construction (DC-50) pou ede detanzantan pou bann proze konstriksion ouswa mintenans ki pre ar nou lakaz

• Nou kapav ranpli form Demande d’admission comme volontaire (A-19) ek port nou volonter pou enn semenn ouswa plis pou ede dan Betel ouswa dan bann lezot batiman ki anba biro nasional

GET VIDEO ENN NOUVO PROZE KONSTRIKSION​—EXTRE, EK APRE SA, REPONN SA BANN KESTION-LA:

• Kouma eski depi 2014 nou pe servi bann video boukou plis ki avan?

• Ki proze finn prevwar pou kapav fer bann video ki bizin, ek komie tan sa konstriksion-la pou pran?

• Kouma bann volonter kapav ede pou sa proze-la?

• Si nou anvi ede pou konstriksion Ramapo, kifer nou bizin ranpli enn form (DC-50) ek soutenir bann proze Servis Lokal Devlopman/Konstriksion ki pre ar nou lakaz?

• Ki prev nou ena ki Zeova pe gid sa proze-la?

• Kouma nou kapav soutenir sa proze-la mem si nou pa kapav ede personelman pou sa konstriksion-la?