Eski To’nn Pare si Ena Bann Problem Akoz Lager?

Amezir ki lafin sa lemond-la pe koste, nou kone ki pou ena deplizanpli problem akoz bann konfli politik, terorism ek lager. (Rev 6:4) Kouma to kapav prepar twa pou fer fas ar sa bann problem-la?

• Prepar twa lor plan spiritiel: Rod bann prinsip ek bann lexanp dan Labib ki kapav fortifie to konfians an Zeova ek so lorganizasion, ek ki kapav ed twa pou gard to netralite. (Pr 12:5; jr-F 125-126 ¶23-24) To bizin fer bann bon kamarad dan lasanble depi asterla mem.​—1Pi 4:7, 8

• Prepar twa fizikman: Organize pou ki to an sekirite dan plas kot to pe reste ek ki to ena ase manze. Prepar alavans seki to pou fer si to bizin kit to lakaz. Verifie bann kitsoz ki ena dan to sak katastrof. Pa bliye pou met kas dan to sak ek azout bann lekipman ki pou protez twa, kouma legan ek mask. To bizin kone kouma pou kontakte bann ansien ek fer sir ki bannla osi kone kouma pou pran kontak ar twa.​—Iz 32:2; g17.5-F 3-7

Kan bann sitiasion vinn difisil, kontign gard to bann labitid spiritiel. (Fil 1:10, NW) Res kot twa, ek sorti zis kan bien bizin. (Mt 10:16) Partaz manze ek bann lezot kitsoz ki to ena.​—Rom 12:13.

GET VIDEO ESKI TO’NN PARE POU ENN KATASTROF? EK APRE SA, REPONN SA BANN KESTION-LA:

• Kouma eski Zeova kapav ed nou kan ena enn katastrof?

• Ki bann kitsoz pratik nou kapav fer pou prepar nou?

• Kouma nou kapav ed lezot ki’nn afekte par enn katastrof?