NOU LAVI KRETIEN
Eski To’nn Pare pou Fer Fas ar Bann Problem Ekonomik?
Sa pa etonn nou ki partou ena bann problem ekonomik akoz bann levennman ki pe arive dan lemond. Kifer? Parski nou pe viv lafin bann dernie zour ek Labib averti nou ki fode pa nou met nou lespwar dan “bann rises tanporer.” (1Tim 6:17; 2Tim 3:1) Kouma lexanp Lerwa Zozafat kapav ed nou pou fer fas ar bann problem ekonomik?
Kan bann lennmi ti rod atake, Zozafat ti fer Zeova konfians. (2Kr 20:9-12) Li ti osi prepar pep Zeova alavans kan li ti ranforsi bann lavil ek kan li ti etabli bann solda pou protez sa bann lavil-la. (2Kr 17:1, 2, 12, 13) Parey kouma Zozafat, li bon ki nou fer Zeova konfians ek ki nou prepar nou pou fer fas ar bann sitiasion difisil.
GET VIDEO ESKI TO’NN PARE POU ENN KATASTROF? EK APRE SA, REPONN SA BANN KESTION-LA:
Kouma nou kapav prepar nou pou fer fas ar enn katastrof?
Kouma nou kapav prepar nou pou ed lezot?