Ou Kapav Swazir ki Kalite Lavenir Ou Anvi!

Anviron 3,500 an avan, Zeova ti dir so bann serviter seki zot bizin fer pou zot gagn enn pli bon lavenir: “Mo finn met lavi ek lamor devan twa, benediksion ek malediksion; ek to bizin swazir lavi pou ki to kontign viv, twa ek to desandans.”​—Deteronom 30:19.

Pou ki zot gagn enn bon lavenir, sa bann dimounn-la ti bizin fer enn bon swa. Azordi, nou osi nou kapav swazir seki nou anvi fer. Labib explik nou kouma nou kapav swazir enn bon lavenir, li dir: “Kan to kontan Zeova to Bondie, kan to ekout so lavwa.”​—Deteronom 30:20.

KOUMA NOU KAPAV KONTAN ZEOVA EK EKOUT SO LAVWA?

LIR LABIB: Pou kontan Zeova, ou bizin aprann konn Li atraver Labib. Kan ou fer sa, ou pou aprann ki Li enn Bondie ki ena boukou lamour ek ki anvi seki pli bon pou ou. Li invit ou pou priye Li ‘parski li pran ou swin’ ek Li gagn ou traka. (1 Pier 5:7) Labib promet ki si ou fer zefor pou vinn pros ar Bondie, ‘li pou vinn pros ar ou.’​—Zak 4:8.

MET AN PRATIK SEKI OU APRANN: Ekout Bondie vedir swiv so bann konsey ki ranpli ar sazes ki ena dan Labib. Si ou fer sa, ‘ou pou reisi dan seki ou fer ek lerla ou pou azir avek sazes.’​—Zozwe 1:8.