Tousala, Gras-a enn Sourir!

Helen pe debout kot enn prezantwar ek li pe fer enn sourir. De madam pas akote li.

DE ZENN madam ti pe mars dan lavil Baguio, dan Filipinn. Pandan ki zot ti pe marse, zot ti trouv enn prezantwar, me zot pa ti koste ar li. Ser ki ti pe fer prezantwar-la ti apel Helen, ek li ti fer enn gran sourir ar zot. Sa de madam-la ti kontign marse, me zot ti rapel sa zoli sourir ki Helen ti fer ar zot la.

Plitar, kan sa de madam-la ti dan enn bis pou retourn kot zot, zot ti remark enn Lasal kot fer Renion avek enn gran pano jw.org. Zot ti rapel ki zot ti trouv sa bann let-la lor prezantwar. Alor, toulede ti desann dan bis, zot ti al kot laport lasal-la, ek zot ti get bann ler ki bann diferan lasanble fer zot renion.

Sa de madam-la inn vinn Lasal ek zot pe fer enn sourir ar Helen.

Inpe apre, sa de madam-la ti asiste enn renion. Zot ti bien etone kan zot ti trouv Helen rant dan lasal. Zot ti rapel li deswit! Helen dir: “Mo ti inpe per kan zot ti vinn get mwa. Mo ti panse ki mo ti fer enn move kitsoz.” Me de madam-la ti explik Helen pou ki rezon zot ti vinn renion.

Sa de madam-la ti bien apresie renion sa zour-la, ek zot ti santi zot bien avek bann frer ek ser. Kan zot ti trouv lezot pe netway lasal apre renion, zot ti propoz zot led. Azordi, enn parmi sa de madam-la nepli res Filipinn. Me lot madam-la ti koumans asiste bann renion ek ti koumans etidie Labib. Tousala, gras-a enn sourir!