Nou Kapav Gagn Laviktwar lor Laenn!

Mem si zame inn ariv ou sa, sirman ou finn trouv bann sitiasion koumsa otour ou. Souvan bann dimounn gagn maltrete ouswa zot viktim laenn parski zot sorti dan enn lot pei, enn lot ras, ouswa parski zot bann omosexiel. Akoz sa, boukou gouvernman finn desid pou met bann lalwa pou anpes ek pini bann dimounn ki fer bann krim akoz laenn.

Laenn li koumadir enn lepidemi. Bann dimounn ki’nn soufer akoz laenn, souvan zot anvi tir vanzans. Me kan zot fer sa, zot kontaminn lezot parski zot pe pous sa bann dimounn-la osi pou devlop laenn.

Sirman ou finn deza fer fas ar bann prezize, ouswa dimounn finn boufonn ou, insilte ou ouswa mem menas ou. Me ena fwa, laenn al plis ki sa. Li kapav amenn bann dimounn pou agres ek atak lezot, pou viol ouswa mem touy lezot.

Sa magazinn-la pou reponn sa bann kestion-la ek pou montre kouma nou kapav gagn laviktwar lor laenn:

• Kifer ena otan laenn?

• Kouma nou kapav aret propaz laenn?

• Eski enn zour laenn pou disparet lor later?