Bondie Gagn Ou Traka
MEYER konsey ki nou kapav gagne, li dan Labib parski li vinn depi Bondie. Li pa enn liv lasante, me li kapav ed nou dan bann fason pratik pou fer fas ar bann sitiasion difisil, bann move fason panse, bann santiman ki fer dimal, ek bann problem ki afekte lasante fizik ek mantal.
Pli inportan, Labib rasir nou ki nou Kreater, Zeova nou Bondie,a li konpran nou bann panse ek nou bann santiman pli bien ki ninport kisann-la. Li pre pou ed nou pou fer fas ar ninport ki sitiasion. Anou pran par exanp de pasaz dan Labib ki bien rekonfortan:
‘Zeova li toultan pre ar seki pe perdi kouraz; li replant lespwar kot lespwar finn mor.’—PSOM 34:18.
“Mwa, Zeova to Bondie, mo pe trap to lame drwat bien for, sa Kikenn ki pe dir twa: ‘Pa per. Mo pou ed twa.’”—IZAI 41:13.
Me, kouma eski Zeova kapav ed nou pou fer fas ar bann problem lasante mantal? Kouma ou pou trouve dan bann prosin lartik, Zeova montre nou dan diferan fason ki li vremem gagn nou traka.
a Zeova se nom Bondie.—Psom 83:18, NW.