Sizesion lor Kouma pou Etidie

Aprann “Bann Sante Spiritiel” Par-ker

“Kan mo santi mwa bien tris, Zeova ankouraz mwa gras-a bann sante ki ena lor Program Televizion JW.”—Lorraine, Letazini.

Bann Kretien inn touletan sant “bann sante spiritiel” pou donn Zeova laglwar. (Kol. 3:16) Si to aprann sa bann sante-la par-ker, zot pou kapav ed twa mem kan to pena to kantik ouswa to bann laparey elektronik ar twa. Esey sa de-trwa tips-la, sa pou ed twa pou aprann bann sante par-ker.

• Pran letan pou lir bann parol-la pou to konpran zot bien. Li pli fasil to rapel enn kitsoz si to konpran li bien. Lor jw.org, to kapav gagn parol tou nou bann sante, mem parol bann sante pou bann zanfan. Dan seksion Bibliotek, al dan Lamizik.

• Ekrir bann parol-la lor enn bout papie. Kan to fer sa, bann parol-la pou rant pli bien dan to latet.—Det. 17:18.

• Sant for kan to fer bann repetision. Lir ouswa sant sante-la plizir fwa.

• Gete si to rapel bann parol-la. Esey rapel bann parol-la san ki to get zot, ek apre verifie si to’nn bien rapel zot.