Fer Bann Desin pou Rapel Seki To’nn Etidie

Li pa touletan fasil pou rapel seki nou’nn etidie, pa vre! Selman, eski to’nn remarke kouma li fasil pou rapel bann lexanp ki Zezi ti servi? Se koumadir to pe trouv sa bann kitsoz-la devan twa, alor sa ed twa pou rapel seki Zezi inn ansegne. Dan mem fason, kan to servi to limazinasion, sa kapav ed twa pou rapel pli bien bann kitsoz ki to pe etidie. Kouma to kapav fer sa? Se kan to fer bann desin.

Sertin dimounn inn remarke ki, kan zot bizin aprann bann nouvo kitsoz, zot rapel pli bien seki zot inn aprann kan zot fer bann desin. Bann desin ed zot pou konpran pli bien bann mo, me osi bann lide prinsipal sa size ki zot pe etidie la. Zot pa fer bann desin ki konplike. Bann desin-la bien sinp. Bann desin kapav ed osi bann vie dimounn pou rapel seki zot inn aprann.

Alor, prosenn fwa ki to pou etidie, esey fer bann desin. To pou etone kan to pou trouve ki kantite kitsoz to’nn reisi rapel!