Aide ou zenfant pou progressé dan predication
1 Bann parent chrétien ena enn grand responsabilité pou forme zot zenfant dan la predication depuis ki zot encore tipti. Zot kapav faire sa dan different fason. Certain zenfant kapav cite enn verset la Bible approprié par coeur, avant mem ki zot konn lire. Sa kapav faire enn grand l’effet lor bann ki pé ecouté. A mesure ki bann zenfant grandi, zot kapav mem faire plus dan predication. Couma eski ou, parent, ou kapav aide ou zenfant pou donne temoignage? Kitfois sa bann suggestion-la kapav aide ou.
2 Apré ki ou’nn dire dimoune-la bonjour, ou kapav dire:
◼ “Mo garson, [dire so nom], ti pou content lire enn verset la Bible bien interessant avek ou.” Ou zenfant kapav dire: “Sa verset ki trouve dan Psaume-la, finn montré moi couma Bondié appelé. [Zenfant-la lire ou-soit recite Psaume 83:18.] Sa bann magazine-la koz lor seki Bondié Jéhovah pou faire pou nou. Eski mo kapav laisse sa avek ou?” Ou kapav termine ou conversation par enn explication lor fason ki nou travail, li financé.
3 Ou-soit ou kapav essaye sa presentation-la:
◼ “Bonjour. Mo pé enseigne mo tifi, [dire so nom], pou interesse-li avek lezot dimoune dan l’endroit. Li ti pou content partage avek ou enn message ki sorti dan la Bible.” Ou zenfant kapav dire: “Enn fason ki mo content aide bann dimoune, c’est partage l’espoir ki ena dan la Bible concernant nou l’avenir. [Zenfant-la lire ou-soit cite Révélation 21:4.] Sa bann magazine-la explik nou ki kitsoz Royaume Bondié pou faire pou nou. Mo pensé ki ou ti pou content lire sa.”
4 Si bann zenfant touletan servi enn presentation simple, tigit-tigit sa pou permette zot ena confiance dan zot capacité pou partage la bonne nouvelle lor Royaume Bondié. Li important faire bann repetition, pou veillé ki zot koz enn fason bien clair ek assez fort. Sa pou forme zot pou koz dan plusieurs circonstance. Enn bon preparation a l’avance ek bann felicitation sincere pou aide bann jeune zenfant pou exprime zot la-foi.
5 Grace a sa qualité l’encouragement-la, beaucoup jeune zenfant finn reussi rempli condition pou vinn bann proclamateur non-baptisé. Li vrai-mem enn grand la-joie pou trouve nou bann zenfant progressé dan la predication!—Ps. 148:12, 13.