‘ Rends pleinement témoignage au sujet du Royaume de Dieu ’
1. Ki nou pou examiné dan l’etude biblik la congregation a partir semaine 14 mars?
1 A partir semaine 14 mars 2011, nou pou commence etudié livre ‘ Rends pleinement témoignage au sujet du Royaume de Dieu ’ dan l’etude biblik la congregation. Sa publication-la koz lor livre Actes dan enn fason tellement vivant ki so bann lecteur kapav ressenti l’enthousiasme kan li raconte bann l’evenement k’inn deroulé enn derriere lot. Au lieu ki li donne nou enn explication verset par verset, livre Rends témoignage montré nou ki bann leson nou kapav aprann ar bann recit ki ena dan Actes ek li aide nou pou faire bann application personnel.—Rom. 15:4.
2. Ki bann caracteristik livre Rends témoignage?
2 Bann caracteristik sa livre-la: L’introduction ki ena lor page 2, c’est enn lettre bien encourageant ki College central inn ecrire. Dan sa lettre-la zot dire nou couma zot envie ki nou tire profit ar sa publication-la. A partir chapitre 2, ena enn phrase ki pou explik nou lor ki kitsoz important chaque chapitre-la pou kozé. Ek ena bann verset ki cité pou montré nou ki partie dan Actes nou pou examiné. Dan beaucoup chapitre ena bann l’encadré ki donne nou bann l’information lor l’environnement bann dimoune, bann l’endroit, ou-soit bann l’evenement. Ena bann grand marge pou ki nou kapav ecrire bann note. Toute longue sa livre-la ena bann zimage ki montré bann scene biblik bien detaillé ki aide nou pou mazinn bann l’evenement important. Lor dernier page ena enn l’index bann zimage ki aide nou pou comprend seki bann different zimage representé. Dan commencement ek a la fin sa livre-la ena bann map ki aide nou pou suive progré ki bann chretien dan premier siecle ti faire, kan zot ti commence annonce la bonne nouvelle “ziska dan region pli loin lor la terre.”—Actes 1:8.
3. Cite deux-trois question ki livre Actes pou reponn.
3 Reponse pou bann question important: Kan nou pou examine livre Actes sa pou aide nou comprend pli bien bann reponse pou bann question important concernant nou ministere. Par exemple, ki travail ek ki message identifié bann vrai disciple Jésus Christ? Kisannla ki pé dirige travail predication dan le monde entier ek couma? Ki l’occasion bann persecution ek l’opposition crée pou bann proclamateur? Ki role l’esprit saint joué dan nou ministere?
4. Couma nou kapav tire maximum profit kan nou examine sa publication-la?
4 Pou ki ou kapav tire maximum profit, etudié livre-la en avance ek prepare-ou pou reponn dan congregation. Fodé ki ou present pou chaque reunion, ek reflechi couma ou kapav applik seki ou finn aprann dan ou ministere. Nou sur ki kan nou pou examine sa publication bien interessant-la, sa pou encourage nou pou rann enn temoignage a fond lor Royaume Bondié!—Actes 28:23.