“Content Toute la Famille Nou Bann Frere”

Finn gagne preské deux mille an depuis ki’nn ecrire bann parole inspiré ki ena dan sa titre-la. (1 Pierre 2:17) Mais zordi nou bizin applik zot encore plus! Couma nou kapav content enn famille ki grand coumsa? Ek dan sa le monde kot pena l’amour-la, couma nou kapav faire sur ki nou l’amour jamais refroidi? (Mat. 24:12) Guetté si ou kapav reponn bann question ki suive kan ou pé guette DVD Toute la famille nou bann frere.

(1) Kan eski vrai-mem nou vinn membre sa famille-la? (2) Ki trois activité tou bann frere faire dan le monde entier? (3) Couma nou bann frere montré ki zot determiné pou preche dan (a) bann l’endroit bien isolé dan Alaska, (b) bann grand port en Europe, ek (c) bann grand la foret dan Pérou? (4) Kifer fodé jamais nou pensé ki predication li pareil couma lezot travail? (5) Donne bann l’exemple pou montré couma bann Témoins de Jéhovah finn reconforte ek soutenir sakenn so camarade (a) apré enn tremblement de terre, (b) apré enn cyclone, ek (c) pendant enn la guerre civil? (6) Dan ki fason pratik nou tou nou kapav montré l’amour, mark principal ki montré nou fraternité Chretien? (Jean 13:35) (7) Ki bann bienfait nou gagné kan nou travail ensam pou construire nou bann la Salle du Royaume? (8) Couma nou bann frere dan l’Europe de l’Est ek la Russie ti reste fort lor plan spirituel kan ti ena l’interdiction? (9) Ki bann grand zeffort beaucoup Témoins faire pou assisté bann l’assemblée, ek kifer? (10) Couma sa video-la inn augmente ou determination (a) pou adore Jéhovah dan bann reunion ensam avek ou bann frere, (b) pou aide lezot dan bann moment difficile, ek (c) pou preché fidelement kan ou kapav ek n’importe kot-sa? (11) Couma ek kan nou kapav servi sa DVD-la dan nou ministere?

Raison principal kifer nou forme partie dan sa famille kot ena fraternité Chretien-la, c’est parski nou content Jéhovah. Alors nou content pou aprann konn Li ek pou enseigne lezot lor Li. Ek nou content bann dimoune ki Jéhovah content. Kan nou aide zot dan bann moment difficile, nou pa attann ki Bondié pou remercié nou. Au contraire, nou remercié Bondié parski nou considere la famille nou bann frere couma enn cadeau ki Li’nn donne nou. Enn cadeau ki ena enn grand valeur. A mesure ki bann dernier jour sa le monde kot pena l’amour-la pé al fini, anou contigne manifesté l’amour envers toute la famille nou bann frere!