Servi Nou Sit Internet pou Ansegn Ou Bann Zanfan
1. Ki lobzektif ribrik ki apel « Enfants » ena?
1 Nou sit Internet, jw.org, inn fer pou bann dimounn ninport ki laz. Lor nou sit an Franse, ribrik ki apel « Enfants » (al lor La bible et vous > Enfants) ed bann zenn zanfan ek bann paran pou vinn pli pros ar zot kamarad ek ar Jéhovah. (Deut. 6:6, 7) Kouma ou kapav servi sa ribrik-la pou ansegn ou bann zanfan?
2. Kouma ou kapav swazir bann size ki apropriye pou etidie ar ou bann zanfan, dapre zot laz?
2 Adapte Ou: Sak zanfan ena bann bezwin diferan. (1 Cor. 13:11) Alor, kouma ou kapav swazir bann size ki apropriye pou etidie ar ou bann zanfan, dapre zot laz? Demann oumem: ‘Ki size pou interes mo bann zanfan? Ki kantite zot pou kapav konpran? Komie letan zot kapav res konsantre?’ Avek ou bann zanfan ki ena trwa-z-an ouswa mwins, ou kapav rakont bann zistwar dan « Comptines bibliques ». Ena lezot fami ki kontan lir bann zistwar Biblik ki ena dan parti « Enseignez vos enfants ». Gete ki ou kapav servi ankor.
3. Kouma bann paran kapav servi dan enn fason efikas bann zistwar ek bann laktivite ki trouv dan parti « Pour le culte familial » ?
3 Pour le culte familial : Bann paran kapav servi parti « Pour le culte familial » pou etidie avek zot bann zanfan. Pou kone kouma servi bann laktivite ek bann zistwar, klik lor bouton télécharger, ek lir « Guide des parents ». Servi laktivite « Une image, une activité » kot ena bann paz koloryaz pou ansegn bann tipti zanfan. Ed bann zanfan ki pli gran pou konplet laktivite « Apprends en t’amusant ». Tou bann laktivite ki ena dan enn parti konsern mem zistwar ek mem leson Biblik, pou ki bann zanfan tou laz kapav partisip ladan.
4. Ki nou kapav trouve dan parti « Deviens l’ami de Jéhovah » ?
4 Deviens l’ami de Jéhovah : Bann video, bann sante ek bann laktivite dan sa parti-la ed bann paran pou ansegn Parol Bondie zot bann tipti zanfan. (Deut. 31:12) Sak ti video ansegn enn leson inportan. Par exanp, bann laktivite kot bizin rod enn kitsoz dan enn zimaz, met lanfaz lor linportans sa bann leson-la. Bann zanfan kontan sante—ek bann sante ed zot pou rapel seki zot finn aprann—alor lor nou sit regilierman ena bann kantik ek bann sante ki’nn ekrir sirtou pou bann zanfan.
5. Kifer bann paran bizin demann Jéhovah led pou ansegn zot bann zanfan laverite?
5 Paran, Jéhovah anvi ki ou gagn bann bon rezilta avek ou bann zanfan. Alor, demann Li pou ed ou ansegn ou bann zanfan laverite. (Juges 13:8) Avek led Jéhovah, ou pou kapav ansegn ou bann zanfan pou vinn “saz pou [ki zot] gagn lavi sov gras-a lafwa konsernan Jésus Christ.”—2 Tim. 3:15; Prov. 4:1-4.