Fer Atansion To Pa Fann Bann Fos Linformasion

Azordi, bann milyon dimounn gagn bann linformasion bien vit gras-a bann kitsoz ki inprime, radio, televizion, ek Internet. Bann ki ador “Bondie laverite” pa anvi fann bann fos linformasion, mem par aksidan. (Ps 31:5, NW; Ex 23:1) Kan nou repet bann fos linformasion, sa kapav fer lezot boukou ditor. Si to anvi kone si enn linformasion li vre, demann tomem:

• ‘Eski se enn sours ki nou kapav fer konfians?’ Dimounn ki pe partaz sa linformasion-la kitfwa pa konn tou detay. Kan bann dimounn rakont enn kitsoz, alafin sirman zistwar-la pou nepli parey. Alor, fer atansion kan to pa kapav verifie kotsa sa linformasion-la sorti. An zeneral, nou konsider bann frer ek ser ki ena bann responsabilite dan lasanble kouma bann dimounn ki donn bann linformasion ki sir. Alor sa bann frer ek ser la bizin fer bien atansion ki zot pa partaz bann linformasion ki pa’nn verifie

• ‘Eski sa linformasion-la kapav gat repitasion enn dimounn?’ Si sa kapav fer lezot trouv enn dimounn dan enn move fason, alor fode pa nou partaz sa linformasion-la.​—Pr 18:8; Fil 4:8

• ‘Eski linformasion-la vre?’ Nou bizin fer atansion kan nou tann bann zistwar ek bann linformasion ki paret extraordiner

GET VIDEO KOUMA MO KAPAV ARET ENN PALAB? EK APRE SA, REPONN SA BANN KESTION-LA:

• 

  Dapre Proverb 12:18, kouma bann parol kapav fer ditor?

• 

  Kouma Filipien 2:4 ed nou pou ena sazes kan nou swazir seki nou pou dir lor lezot?

• 

  Ki nou bizin fer kan sertin koumans dir bann kitsoz sarkastik ouswa negatif lor lezot?

• 

  Avan ki nou koumans koz lor lezot, ki bann kestion nou bizin demann noumem?