1 Bondié Li enn mystere​—Eski li vrai?

Seki ou finn deja tendé: “Fason ki Bondié agir li enn mystere.”

“Pa kapav comprend le Père, pa kapav comprend le Fils, ek pa kapav comprend Saint Esprit.”​—C’est coumsa ki symbole Athanase decrire Trinité ki beaucoup l’eglise la chretienté enseigné.

Seki la Bible enseigné: Jésus ti dire ki bann ki pé “aprann konn . . . sel vrai Bondié” pou gagne bann benediction. (Jean 17:3) Mais si Bondié Li enn mystere, couma nou kapav aprann konn Li? Au lieu ki Li cachiette so l’identité, Li envie ki tou dimoune konn Li.​—Jérémie 31:34.

Pena doute ki jamais nou pou kapav konn tou lor Bondié. Li normal, parski so bann pensée ek so fason agir pli haute ki pou nou.​—Ecclésiaste 3:11; Isaïe 55:8, 9.

Couma kan ou konn la verité sa aide ou: Si Bondié Li enn mystere, alors ki sa servi ki nou essaye konn Li? Pourtant, Li pa zis permette nou konn Li, mais Li permette nou aussi developpe enn l’amitié solide avek Li. Bondié ti decrire Abraham, enn zom fidele, couma “mo camarade,” ek David, le roi Israël, ti ecrire: “C’est bann ki ena la crainte pou Jéhovah ki vinn bien proche ar Li.”​—Isaïe 41:8; Psaume 25:14.

Kitfois nou kapav pensé ki li impossible pou ena enn l’amitié solide ar Bondié. Mais remark seki Actes 17:27 dire: “[Bondié] pa loin ar sakenn parmi nou.” Dan ki fason? Dan la Bible, Bondié donne nou seki nou bizin pou konn Li bien.a

Li dire nou couma Li appelé, setadir Jéhovah. (Isaïe 42:8) Dan la Bible, Li dire nou couma Li finn agir avek bann dimoune ek coumsa nou kapav konn sa Kikenn ki derriere sa nom-la. En plus, Bondié faire nou konn so bann sentiment. Li “ena misericorde ek compassion, [Li] pa en colere vite ek [Li] ena l’amour fidele ek la verité en abondance.” (Exode 34:6) Nou bann action affecté so bann sentiment. Par exemple, nation Israël dan le passé ti faire Li “la peine” kan zot ti rebellé kont Li. Mais bann ki obeir Li avek sagesse faire so leker content.​—Psaume 78:40; Proverbes 27:11.

[Note]

[L’encadré page 4]

Si Bondié enn Trinité ki personne pa kapav comprend, couma nou pou kapav konn Li vrai-mem?

[Remerciement photo page 4]

Trinité c.1500, lekol flamand, (16eme siecle) / H. Shickman Gallery, New York, USA / The Bridgeman Art Library International