Watchtower BIBLIOTEK LOR INTERNET
Watchtower
BIBLIOTEK LOR INTERNET
Kreol Morisien
  • LABIB
  • PIBLIKASION
  • RENION
  • w13 1/3 p. 7
  • “Li Bondié . . . Bann Ki Vivant”

Pena video ki disponib pou seki ou finn swazir.

Sori, enn erer inn anpes sa video-la zwe.

  • “Li Bondié . . . Bann Ki Vivant”
  • La Tour de Garde pé annonce Royaume Jéhovah—2013
  • Lor Mem Size
  • La resurrection—Enn l’enseignement ki concerne ou
    La Tour de Garde pé annonce Royaume Jéhovah—2005
  • Bondie Teste Lafwa Abraham
    Mo Liv Zistwar Labib
  • Lafwa Abraam Teste
    Bann leson to kapav aprann dan Labib
  • “To Frer Pou Resisite”!
    Latour Degard Pe Anons Rwayom Zeova (Edision Letid)—2023
Rod Plis
La Tour de Garde pé annonce Royaume Jéhovah—2013
w13 1/3 p. 7

VINN PROCHE AR BONDIÉ

“Li Bondié . . . Bann Ki Vivant”

Eski la mort pli fort ki Bondié? Non! Couma eski la mort​—ou-soit bann lezot “l’ennemi”​—kapav pli fort ki “Bondié Tout-Puissant”? (1 Corinthiens 15:26; Exode 6:3) Bondié ena capacité pou gagne victoire lor la mort par moyen resurrection, ek Li promette ki Li pou faire sa dan le monde nouveau.a Eski c’est enn promesse ki sur? Jésus, Garson Bondié, inn dire nou bann parole ki kapav donne nou l’espoir.​—Lire Matthieu 22:31, 32.

Kan li ti pé koz avek bann Sadducéen, ki pa ti croire dan resurrection, Jésus ti dire: “Concernant resurrection bann mort, eski zot pa finn lire seki Bondié ti dire zot, kan Li ti dire: ‘Mo Bondié Abraham ek Bondié Isaac ek Bondié Jacob’? Li Bondié, pa bann mort, mais bann ki vivant.” Dan sa bann verset-la, Jésus ti pé faire reference ar conversation ki Bondié ti gagné avek Moïse kot sa ti pié ki ti pé prend difé-la vers 1514 A.N.L. (Exode 3:1-6) Dapré Jésus, bann parole ki Jéhovah ti dire Moïse​—“Mo Bondié Abraham ek Bondié Isaac ek Bondié Jacob”​—montré ki promesse lor resurrection c’est enn kitsoz ki vrai-mem pou realisé. Couma nou konn sa?

Pou commencé, anou guette so contexte. Kan Jéhovah ti pé koz avek Moïse, sa bann chef famille-la, Abraham, Isaac, ek Jacob, ti’nn mort depuis bien longtemps​—Abraham depuis 329 an, Isaac depuis 224 an, ek Jacob depuis 197 an. Pourtant, Jéhovah ti dire “Mo” zot Bondié​—pa “Mo ti” zot Bondié. Jéhovah ti pé koz lor sa trois chef famille-la coumadir zot ti encore vivant. Kifer?

Jésus ti expliké: “[Jéhovah] Li Bondié, pa bann mort, mais bann ki vivant.” Pense enn coute seki sa bann parole-la impliké. Si pa ti ena resurrection, alors Abraham, Isaac, ek Jacob ti pou reste dan pouvoir la mort pou touletan. Si sa ti coumsa, Jéhovah ti pou Bondié bann mort. Alors, sa ti pou vedir ki la mort pli fort ki Jéhovah​—coumadir Li trop faible pou libere so bann serviteur fidele ar la mort.

Alors, ki nou kapav dire concernant Abraham, Isaac, Jacob, ek tou bann serviteur fidele Jéhovah ki’nn mort? Jésus ti dire sa bann parole bien fort-la: “pou Li, zot tou vivant.” (Luc 20:38) En realité, Jéhovah tellement sur ki Li pou realise so projet pou ressuscite so bann serviteur fidele ki’nn mort, ki pou Li coumadir zot vivant. (Romains 4:16, 17) Jéhovah pou garde dan so memoire ki parfait tou so bann serviteur ki’nn mort ziska ki arrive ler pou Li redonne zot la vie.

Jéhovah beaucoup pli fort ki la mort

Eski l’esperance pou ré-zwenn enn dimoune ki ou ti bien content mais ki’nn mort, attire ou? Si oui, rappel ki Jéhovah beaucoup pli fort ki la mort. Nanyé pa kapav empeche Li pou realise so promesse pou ressuscite bann mort. Eski ou ti pou content aprann plus lor promesse resurrection ek lor Bondié ki pou realise sa? Kan ou faire sa, pena doute ki ou pou vinn pli proche ar Jéhovah, “Bondié . . . bann ki vivant.”

Lecture la Bible

Matthieu 22-28–Marc 1-8

a Pou aprann plus lor promesse ki Bondié faire concernant resurrection ki pou ena dan le monde nouveau kot pou ena la justice, guette chapitre 7 dan livre Ki la Bible enseigné vrai-mem? publié par bann Témoins de Jéhovah.

    Piblikasion Kreol Morisien (2000-2025)
    Dekoneksion
    Koneksion
    • Kreol Morisien
    • Partaze
    • Preferans
    • Copyright © 2025 Watch Tower Bible and Tract Society of Pennsylvania
    • Linformasion Legal
    • Prinsip Konfidansialite
    • Reglaz Konfidansialite
    • JW.ORG
    • Koneksion
    Partaze