Bann Model Prezantasion
Nouvel lor Rwayom No. 38
“Nou pe partisip dan enn kanpagn ki pe fer dan lemond antie pou partaz sa mesaz inportan la ar bann dimounn. Sa se pou ou.”
Not: Pou ki kapav kouver teritwar, fer enn prezantasion kourt. Parkont, dan sertin ka ena dimounn pou interese konn plis lor sa size-la. Dan sa ka-la, ou kapav demann li so lopinion lor kestion ki ena lor premie paz, ek lir avek li repons ki Labib done pou sa kestion-la dan trak-la. Si letan permet, examinn enn parti dan trak-la. Avan ki ou ale, montre dimounn-la kestion “Reflesi lor La” ki trouv lor dernie paz ek fer laranzman pou retourne ek pou koz lor la.
La Tour de Garde 1e Novam
“Dapre ou, ki pli gran manti ki’nn koze lor Bondie? [Les dimounn-la reponn.] Labib montre nou ki Bondie anvi nou kontan Li ek nou fer Li konfians. [Lir Isaïe 41:13.] Sa magazinn-la devwal trwa kitsoz fos ki souvan bann dimounn dir lor Bondie ek montre kouma sa inn anpes sertin vinn pros ar Li.”
Réveillez-vous! Novam
“Nou pe fer enn ti vizit parski nou trouve ki boukou dimounn trakase, akoz deplizanpli bann valer moral pe degrade. Eski ou panse ki bann dimounn nepli donn linportans bann valer moral? [Les dimounn-la reponn.] Labib ti anonse ki latitid ek konportman bann dimounn ti pou sanze. [Lir 2 Timothée 3:1-5.] Sa magazinn-la montre nou kifer nou kapav fer konfians bann prinsip moral ki ena dan Labib.”