Sizesion lor Kouma pou Etidie

Liv Resers pou Bann Temwin Zeova donn bann explikasion pou bann verse Labib. Eski to servi bien sa liv-la?

Sa bann explikasion-la kapav ed twa pou etidie Labib an profonder. Dan Liv Resers, to kapav trouv bann detay lor kouma lavi bann dimounn ti ete kan ti ekrir sa verse-la, kifer ti ekrir li, pou kisann-la ti ekrir li, ouswa bann explikasion lor bann mo ouswa bann fraz.

Kan to al dan bann verse Labib lor Watchtower BIBLIOTEK LOR INTERNET ek lor JW Library^®, to kapav gagn bann referans ki dan Liv Resers. To kapav trouv sa bann referans-la dan kolonn ki akote, dan ninport ki version Labib to ena.

Kan to get sa bann referans-la, get bien dat ki zot inn sorti. Bann lartik ki fek sorti pou pli lao. Plis to desann anba, plis bann lartik-la vie, ek li posib ki azordi, inn sanz fason ki ti pe konpran sertin lansegnman ki ena dan sa bann vie lartik-la.

• Bann referans Liv Resers, zot update otomatikman lor Watchtower BIBLIOTEK LOR INTERNET.

• Pou gagn sa bann referans-la lor JW Library, download Liv Resers ek update li kan ena bann update. To kapav fer sa kan to rant dan ninport ki sapit dan Labib ek to pez lor download, ki paret lao dan kolonn ki akote.