Sizesion lor Kouma pou Fer Bann Resers

Aktivite pou Bann Zanfan

Bann paran ena enn gran responsabilite: Ansegn zot zanfan lor Zeova. (Efe. 6:4) Pou ed bann paran, lorganizasion Zeova inn fer boukou lartik, video, ek sante. Kouma to kapav servi sa bann kitsoz-la pou form to zanfan?

• Al lor jw.org. Lor sa sit-la, to pou trouv boukou kitsoz ki’nn fer pou bann zanfan, kouma par exanp bann video ek bann aktivite.a Tap “Zanfan” ouswa “Adolesan” dan bwat “Rode.”

• Swazir seki pli bon pou to zanfan. Dan seksion “Zanfan,” to pou trouv bann video, bann sante, ek bann aktivite ki apropriye pou to zanfan. Par exanp, to kapav trouv sa dan seksion “Proze pou Ladorasion an Fami.”

• Pas letan ar to zanfan. Pa servi sa bann video-la ouswa sa bann aktivite-la zis pou donn to zanfan enn lokipasion. Okontrer, koz lor la avek to zanfan ek servi sa pou ed li pou vinn pros ar Zeova.