Led pou Bann Madam Ki Viktim Bann Move Tretman

Se koumsa ki lartik “Sekirite Bann Fam—Ki Labib dir Lor la?” koumanse. Sa lartik-la lor jw.org. Alafin sa lartik-la, ena enn lien ki donn twa posibilite pou download sa lartik-la dan forma PDF. Ek si to inprim li, li vinn enn trak ki to kapav pliy an kat. Stacy, enn ser ki res Letazini, dir: “Mo’nn inprim bann kopi sa trak-la, ek ansam avek enn lot ser, nou’nn al dan enn sant pou bann madam, ki trouv dan nou teritwar.”

Enn kikenn ki travay laba ti anvi donn sa trak-la bann madam ki res dan sant-la. Alor, li ti demande si li ti kapav gagn bann lezot kopi. Gras-a sa, ti partaz 40 lezot trak ek 30 kart vizit jw.org. Plitar, kan bann ser ti re-al laba, responsab sant-la ti anvi ki bann Temwin montre bann madam ki res la kouma enn letid Labib deroule.

Stacy ek de lezot ser ti gagn bann bon rezilta dan enn lot sant osi. Zot ti kit sink trak laba ek bann-la ti demann zot pou amenn plis trak. Enn dimounn ki travay laba ti dir: “Sa trak-la pou ed bann madam ki res isi.” Apre sa, li ti dir: “Nou bien bizin sa trak-la.” Plitar, kan bann ser ti re-al dan sa sant-la, plizir madam ki res laba ti zwenn ansam pou gete kouma enn letid Labib deroule, ek de parmi zot ti dir ki zot ti anvi vinn Lasal pou renion ki fer dan wikenn.

Stacy dir: “Sa finn bien tous nou kan nou’nn trouve kouma bann dimounn inn kontan sa zoli lartik-la. Kan to inprim lartik-la ek to pliy li, se enn fason interesan pou to kapav partaz mesaz Rwayom Bondie ar bann madam ki viktim bann move tretman. Sa ti extraordiner pou trouv reaksion bann dimounn ki ti gagn sa trak-la. Ek nou extra kontan pou trouve kouma Zeova pou beni nou bann zefor pou partaz bon nouvel ar sa bann madam-la.”