Ny famonjena antsika amin’ny ota sy ny fahafatesana

35 Tadidinao ve fa nanota i Adama, ilay lehilahy voalohany? Veriny ny fiainana sy ny paradisa, ary maty koa isika rehetra, satria taranany.—Romanina 5:12; 3:23

36 Mety hahazo indray izany fiainana lavorary izany isika raha misy lehilahy lavorary hafa iray manome ny ainy ho antsika, na manavotra antsika amin’ny fahafatesana.—1 Korintianina 15:45; Romanina 5:19, 21

37 Zanak’Andriamanitra i Jesosy. Olona lavorary izy. Tsy nanota izy.—Hebreo 5:9; 7:26

38 Nanaiky hovonoin’olona tsy tia an’Andriamanitra izy.—Asan’ny Apostoly 2:23.

Nanao sorona ny tenany ho antsika izy tamin’izay.—1 Timoty 2:6

39 Nalevina tao amin’ny vatolampy nolavahana na fasana, i Jesosy. Maty nandritra ny telo andro izy. Natsangan’Andriamanitra izy avy eo.—Asan’ny Apostoly 2:24

40 Niverina nankany an-danitra izy. Afaka mangataka amin’Andriamanitra izy izao mba hanampy an’ireo izay mankatò an’Andriamanitra.—Hebreo 9:24; 1 Jaona 2:1, 2