Ampiasao Ilay “Fanomezana Ara-panahy”

Tiantsika rehetra ny mifampahery amin’ny rahalahy sy anabavintsika. Tsy ampy anefa ilay hoe miaraka eny. Antsoin’ny Baiboly hoe “fanomezana ara-panahy” ilay hoe mifampahery. (Rom. 1:11, 12) Ahoana àry no ampiasantsika tsara an’io fanomezana io?

Miezaha hampahery amin’izay lazainao. Rehefa manome valin-teny, ohatra, ianao, dia aza miresaka be loatra momba ny hevitrao na ny fiainanao. Resaho kosa izay nianaranao momba an’i Jehovah sy ny Teniny ary ny mpanompony. Rehefa miresadresaka amin’ny mpiara-manompo koa ianao, dia zavatra mampahery resahina.

Miezaha hampahery amin’izay ataonao. Misy, ohatra, manapa-kevitra hoe tsy hiala amin’ny fanompoana manontolo andro na dia miatrika olana aza. Ny hafa indray manatrika fivoriana andavanandro foana, na dia be asa aza, na manana aretina mitaiza.

Mampahery ny hafa ve izay lazainao sy ataonao? Voamarikao koa ve izay ataon’ny hafa sy izay lazainy mba hampaherezana anao?