Alao Sary An-tsaina Ilay Tantara

Be dia be ny tantara ao amin’ny Baiboly ary mampianatra antsika lesona lehibe izy ireny. Raha maka sary an-tsaina an’izay vakintsika isika, dia ho azontsika tsara ilay izy ary handray soa kokoa isika. Ireto misy soso-kevitra vitsivitsy hanampy anao hanao an’izany.

• Vakio mafy ilay izy. Ho azonao sary an-tsaina kokoa ny tantara ao amin’ny Baiboly raha vakinao mafy. Ahoana raha mamaky Baiboly miaraka amin’ny fianakavianao ianao? Ho velombelona kokoa ilay tantara raha asaina manao anjaran’olona samy hafa ny tsirairay.

• Alao sary an-tsaina izay mitranga. Ezaho takarina hoe inona no tao an-tsain’ilay olona resahina ao, ary inona no tsapany. Eritrereto, ohatra, hoe: ‘Fa maninona izy no niteny an’iny na nanao an’iny? Inona no mety ho noeritreretiko na tsapako raha izaho no teo amin’ny toerany?’

• Ataovy sary ilay izy. Ho tadidinao sy ho azonao sary an-tsaina kokoa ilay tantara raha ataonao sary, na dia tsy tena tsara be aza ilay sary vitanao.