Inona no Hanampy Anao Hanapa-kevitra?
“Niforona ho azy izao rehetra izao.”—Stephen Hawking sy Leonard Mlodinow, mpahay fizika, 2010.
“Namorona ny lanitra sy ny tany Andriamanitra.”—Baiboly, Genesisy 1:1.
Noforonin’Andriamanitra ve izao rehetra izao sy ny zavamananaina, sa niforona ho azy? Mifanao atsimo sy avaratra ny tenin’ireo mpahay fizika voalaza etsy ambony sy izay lazain’ny Baiboly. Samy be mpanohana ireo hevitra ireo. Betsaka anefa ny olona tsy mahazo antoka hoe inona no marina. Adihevitra be izany ao amin’ireo boky be mpitia sy ireo fandaharana amin’ny tele.
Nanizingizina angamba ny mpampianatra anareo hoe tsy misy ny Mpamorona, fa niforona ho azy izao rehetra izao sy ny zavamananaina. Voaporofon’izy ireo ve anefa izany? Angamba koa ianao efa naheno mpitondra fivavahana nilaza hoe tena misy ny Mpamorona. Nanome porofo ve anefa ry zareo, sa asainy manaiky an’izany fotsiny ianao?
Efa nisaintsaina an’izany angamba ianao, dia nieritreritra hoe tsy misy afaka manaporofo raha tena misy ny Mpamorona. Mety ho efa lasa saina koa aza ianao hoe: ‘Zava-dehibe ve anefa ny valin’izany?’
Hahita porofo vitsivitsy ianao ato amin’ity gazety ity. Nanampy olona maro izy ireo mba ho resy lahatra fa tena misy ny Mpamorona. Horesahina ato koa hoe nahoana no zava-dehibe ny valin’io fanontaniana io.