FAKANA AN-KERINY
Fisamborana, fitondrana, ary fitanana olona an-keriny tsy araka ny sitrapony fa nofitahina na nampitahorina izy. Nomelohin’ny Lalàn’i Mosesy ho faty izay naka olona an-keriny na nangalatra azy, ka efa namidiny ilay olona, na mbola tratra tao aminy. (Ek 21:16; De 24:7) Nalain’ny rahalahiny an-keriny i Josefa zanak’i Jakoba ka namidiny ho andevo, talohan’ny nanomezana an’io lalàna io. (Ge 37:27, 28; 40:15) Notahin’Andriamanitra anefa i Josefa tany Ejipta, ary navelan’i Josefa ny helok’ireo rahalahiny.—Ge 45:4, 5.
Nanoratra ho an’i Timoty ny apostoly Paoly hoe “tsy ho an’ny olo-marina no namoahana ny lalàna” fa ho an’ireo tsy tan-dalàna, anisan’izany ny mpaka olona an-keriny.—1Ti 1:8-11.