Ny Fanomezana ho An’ny Asa Maneran-tanin’ny Fikambanana dia Manohana ny Fitarana
Araka ny voalaza mialoha ao amin’ny Isaia 54:2, 3, ny fanompoam-pivavahana madio amin’i Jehovah dia manohy miitatra manerana ny tany. Tafiditra amin’izany ny tany maro samihafa atỳ amin’ny kontinenta afrikana sy ireo nosy manodidina. Nandritra ireo folo taona lasa, ireo fameperana natao tamin’ny asan’ilay Fanjakana dia nofoanana tany amin’ny toerana toa an’i Angola, i Cameroun, i Etiopia, i Guinée équatoriale, i Madagasikara, i Malawi, i Mozambika ary i Togo. Any amin’ireo tany ireo sy ny tany hafa, ny saha dia masaka hojinjana, ka nisy misioneran’i Gileada sy rahalahy nahazo diplaoma tamin’ny Sekoly Fampiofanana ho Amin’ny Fanompoana sy mpianakavin’ny Betela ary hafa koa, nandray fanendrena ho any. — Matio 9:37, 38.
Miharihary fa mitaky fanorenana Efitrano Fanjakana vaovao an-jatony maro ny fitomboan’isan’ireo mpivavaka marina ao amin’ny fandaminan’i Jehovah. Tena nilaina koa ny hanaovana planina ho amin’ny Efitrano Fivoriambe sy tranon’ny Sampana vaovao na nitarina. Ny fanohanana ara-bola ireny tetik’asa ireny ary koa ny fanaovana izay handrosoan’ny asan’ilay Fanjakana hatrany, tsy atỳ Afrika ihany fa any amin’ny faritra hafa amin’ny tany koa, dia nandaniana be dia be tamin’ny fanomezana ho an’ny asa maneran-tanin’ny Fikambanana.
Ireo sary sy sary natao tanana ao amin’ireo pejy roa amin’ireto takelaka fanampiny ireto, dia manome anao hevitra ny amin’izay ezahin’ny Fikambanana tanterahina atỳ amin’ny saha afrikana. Izay aseho ato dia ny sasany amin’ny fanorenana eo am-panaovana azy ankehitriny sy tetik’asa hanomboka tsy ho ela.
Amin’ny fanamarinana ao amin’ny tabilaon’ny fanompoana eny amin’ny saha ao amin’ny Diary 1996, dia afaka mahazo sary an-tsaina tsara kokoa izay ataon’ireo mpitory any amin’ireo tany ireo eo amin’ny fanompoana, ianao. Fitomboana niavaka no nitranga tany amin’ny tany maro, ary ny mety hisian’ny fitomboana dia hita taratra amin’ny isa miavaka dia miavak’ireo mpanatrika ny Fahatsiarovana. Rehefa tadidintsika ao an-tsaina izay zavatra tanterahina eo amin’ny asa fitoriana ilay Fanjakana sy fanaovana mpianatra maneran-tany any amin’ny kontinenta hafa, izany dia manoritra ao amintsika hoe tombontsoa toy inona moa no ananantsika manohana ara-nofo ny fanompoam-pivavahana marina. — Lioka 16:9, NW; 1 Tim. 6:18.
[Sary, pejy 3]
Efitrano Fanjakana any KwaZulu-Natal, atsy Afrika Atsimo, naorina tao anatin’ny 9 andro
[Sary, pejy 3]
Efitrano Fanjakana any Nigeria naorina araka ny fomba tsy nandaniam-bola firy
[Sary, pejy 3]
Efitrano Fivoriambe atsy Mozambika misy seza 1 500, hovitaina amin’ny faran’ny 1996
[Sary, pejy 3]
Tranon’ny Sampana atsy Mozambika, ho vonona hidirana amin’ny lohataonan’ny 1996
[Sary, pejy 3]
Sampan’i Sierra Leone, heverina ho vita amin’itỳ ririnina itỳ
[Sary, pejy 4]
Efitrano Fivoriambe tsy misy rindrina efa vita atsy Maurice, miaraka amin’ny tranon’ny Sampana, hovitaina amin’ny fararanon’ny 1997
[Sary, pejy 4]
Sampan’i Zimbabwe eo an-dalam-panorenana
[Sary, pejy 4]
Efitrano Fivoriambe tsy misy rindrina sy Sampana vaovao eo an-dalam-panorenana any Sénégal
[Sary, pejy 4]
Sampana vaovaon’i Kenya, ao Nairobi, renivohitra
[Sary, pejy 4]
Sampan’i Madagasikara, hovitaina tsy ho ela
[Sary, pejy 4]
Tranon’ny Sampana kasaina hatao atsy Malawi