Ampio Handroso Amin’ny Fanompoana ny Zanakao
1 Andraikitry ny ray aman-dreny ny mampiofana ny zanany eny amin’ny fanompoana, dieny mbola kely izy ireo. Maro ny fomba azo anaovana izany. Misy ankizy mbola tsy mahay mamaky teny, nefa mahay manao tsianjery andinin-teny. Mety hisy heriny lehibe eo amin’ny olona itoriana izany. Afaka manao mihoatra noho izany mihitsy aza ireny ankizy ireny, rehefa mihalehibe. Ahoana no azonao anampiana ny zanakao mba handray anjara eny am-pitoriana? Mety hanampy anao bebe kokoa ireto fanoloran-kevitra ireto.
2 Afaka miteny toy izao ianao, rehefa avy miarahaba:
◼ “Mba te hamaky andinin-teny iray ho anao ity zanako lahy ity, i [anarany] no anarany.” Afaka milaza ny zanakao avy eo hoe: “Nahafantarako ny anaran’Andriamanitra ity andinin-teny ato amin’ny Salamo ity. [Vakiny na ataony tsianjery ny Salamo 83:18.] Miresaka ny zavatra hataon’i Jehovah Andriamanitra ho antsika ireto gazety ireto. Tianao ve ny hanana azy ireto?” Azonao hazavaina amin’ny farany ny fomba hanohanana ny asa maneran-tany.
3 Na afaka mampiasa ity fomba ity ianao:
◼ “Manahoana tompoko ô! Mampianatra ny zanako vavy hiahy ny mpiara-belona aminy aho. I [anarany] no anarany. Te hampita hafatra ara-baiboly ho anao vetivety izy.” Afaka miteny izy hoe: “Te hanampy ny olona aho, dia miresaka momba ny hoavy ampanantenain’ny Baiboly. [Vakiny na ataony tsianjery ny Apokalypsy 21:4.] Hazavain’ireto gazety ireto hoe inona no hataon’ny Fanjakan’Andriamanitra ho antsika. Mino aho fa ho tianao ny hamaky azy ireto.”
4 Manjary matoky tena ny ankizy fa mahay mitory ny hafatra momba ilay Fanjakana, raha fomba fampiseho tsotra foana no ampiasaina. Zaro hiteny mafy sy mazava tsara izy, mba ho re tsara izay lazainy, na inona na inona mitranga. Hanampy ny ankizikely haneho ny finoany, ny fiomanana tsara sy ny teny fiderana avy amin’ny fo.
5 Ankizy maro no lasa mpitory tsy vita batisa noho ny fampaherezana toy izany. Faly erỳ isika mahita ny zanatsika mandroso amin’ny fanompoana kristianina!—Sal. 148:12, 13.