Matokia fa Mahavita Mamonjy Anao i Jehovah

Vakio ny Nomery 13:25–14:4. Ho hitanao ao fa tsy natoky an’i Jehovah ny Israelita.

Diniho tsara ny teny manodidina. Nahoana ny Israelita no tokony ho natoky fa hahavita hamonjy an-dry zareo i Jehovah rehefa niala tany Ejipta ry zareo? (Sal. 78:12-16, 43-53) Inona no nahatonga an-dry zareo tsy hatoky an’i Jehovah intsony? (Deot. 1:26-28) Ahoana no nampisehoan’i Josoa sy Kaleba hoe natoky an’i Jehovah ry zareo?​—Nom. 14:6-9.

Fakafakao ilay tantara. Inona no tokony ho nataon’ny Israelita, mba hatoky kokoa an’i Jehovah ry zareo? (Sal. 9:10; 22:4; 78:11) Nahoana isika no mila manaja an’i Jehovah raha tiantsika ny hatoky azy?​—Nom. 14:11.

Fantaro hoe inona ny lesona azonao raisina. Diniho izao:

• ‘Rehefa inona no mety ho sarotra amiko ny hatoky tanteraka an’i Jehovah?’

• ‘Inona no hanampy ahy hatoky kokoa an’i Jehovah dieny izao sy amin’ny hoavy?’

• ‘Inona no azoko antoka raha vao manomboka ny fahoriana lehibe?’​—Lioka 21:25-28.