Fanamarihana Ambany Pejy

c Ohatra: 1) Nahery ny fanoherana ny Andriamanitra telo izay iray tany Eoropa, tamin’ny taonjato faha-16. Nahafantatra, ohatra, i Ferenc Dávid (1510-1579), avy any Hongria, fa tsy miorina amin’ny Soratra Masina io fampianarana io. Maty tany am-ponja izy, noho ny finoany. 2) Nanda ny Andriamanitra telo izay iray koa ny Rahalahy Poloney, fivavahana niroborobo tany Polonina nandritra ny zato taona (taonjato faha-16 sy 17). Nizara ny bokiny nanerana an’i Eoropa izy ireo, nefa nataon’ny Zezoita izay handroahana azy tany Polonina. 3) Nanda an’io fampianarana io koa A^toa Isaac Newton (1642-1727) tany Angletera, ary nanoratra tsipiriana tantara sy antony ara-baiboly momba izany. Tsy nataony pirinty tamin’ny androny anefa izany, satria natahotra izay ho vokany izy. 4) Anisan’ireo nilaza koa i Henry Grew, tatỳ Amerika, fa tsy araka ny Soratra Masina izy io. Noresahiny betsaka izany tamin’ny 1824, tao amin’ilay bokiny hoe Fandinihana ny Porofo Nomen’Andriamanitra Momba ny Toetran’ny Zanany (anglisy).