Fanamarihana Ambany Pejy
f Ny boky kely “Our Flag” (Ny sainantsika) natontan’ny birao mpilaza vaovao no amin’ny minisitera amerikana momba ny fiarovana (Office of Armed Forces Information & Education) dia nilaza izao eo amin’ny voaloham-pejiny: “Mifangaro ny tantaram-piandohan’ny tanindrazantsika sy ny tantaram-piandohan’ny sainam-pirenentsika. Tahaka ny nandraisan’ny tanindrazantsika ny fananany avy amin’ny olona samihafa fihaviana ka nanorim-ponenana teto ary nanangana firenena anankiray vaovao, dia tsy misy ivoasana amin’izany ny fiandohan’ity Fanevantsika mitondra sarin-kintana ity, fa samihafa tany aloha ela tany ireny ka very tadidy tao anaty aizin’ny fotoana, nefa miseho indray eo amin’ny Sainan’ny Repoblikantsika.
“Ny kintana dia sary iray ampisehoana ny lanitra sy ny zava-kendren’andriamanitra, katsahin’ny olombelona ho tratrarina hatramin’ny fahagola; ny fehi-valahany dia sarin’ny tara-pahazavana avy amin’ny masoandro. Ireo foto-kevitra roa ireo dia efa naseho teo amin’ny fanovan’ny firenena maro hatramin’ny elabe, hatramin’ny sainan’ny mpivavaka amin’ny kintana tany Egypta sy Babylona fahizany ka hatramin’ny saina misy kintana roa ambin’ny folon’ny mpiady espaniola atao hoe ‘conquistadors’ teo ambany fitondran’i Cortez. Mamin’ny vahoaka hatrany ireo sary anoharan-javatra ireo ka nampiasaina hatramin’ny taon- jato faha-XVII tamin’ny faneva misy tsipika najoron’ny Pays-Bas sy ny Fikambanam-barotra any India, ary ankehitriny aza dia miseho amin’ny sainan’ny firenena maro any Eoropa sy Azia ary Amerika anankiroa ny kintana sy ny tsipika roa mitovy elanelana.’’
Ao amin’ny pejy faha-33 ao amin’io boky kely io ihany, no ahitana izao fanoroana manaraka Izao: “Ny mpitan-tsoratry ny Fiarovana, Washington, 28 Desambra 1959, NY SAINANTSIKA (DOD Pam 5-6a) — Natao ho an’ny mpanao raharahan’ny hery ara-tafika ity filazana ofisialy navoaka ity. [vita sonia] Thomas S. Gates. Mpampanota: Office of Armed Forces Information and Education, Departement of Defense, Washington 25, D.C.’’