Fampidirana ny Fizarana 11

Tantara ao amin’ny Soratra Grika Kristianina no ato amin’ity fizarana ity. Nahantra ny fianakavian’i Jesosy, ary tao amin’izay tanàna kely izay ry zareo no nipetraka. Mpandrafitra ny dadany, ary niara-niasa izy mianaka. I Jesosy no hamonjy ny olombelona, sady nofidin’i Jehovah ho Mpanjakan’ilay Fanjakana any an-danitra. Raha manan-janaka ianao, dia hazavao aminy hoe nofidin’i Jehovah tsara ny fianakaviana hitaiza an’i Jesosy. Ampianaro azy hoe narovan’i Jehovah izy rehefa saika hovonoin’i Heroda, ka hita amin’izany hoe tsy misy mahavita misakana an’i Jehovah tsy hanatanteraka ny fikasany. Resaho hoe nasainy nampiomana ny olona i Jaona hoe ho avy i Jesosy. Hazavao tsara koa hoe mbola kely i Jesosy dia efa hita hoe tia ny tenin’i Jehovah.