Lehilahy Modely​—Asafa

Nisy zavatra nahavery hevitra an’i Asafa. Tsy nankatò ny lalàn’Andriamanitra ny olona nanodidina azy, nefa toa afa-maina! Nisalasala àry izy, raha ilaina na tsia ny miezaka mampifaly an’Andriamanitra. Hoy izy: “Very maina mihitsy ny nanadiovako ny foko, sy ny nanasako ny tanako ho porofo fa tsy manan-tsiny aho.” Nandinika tsara anefa izy avy eo, ka niova hevitra. Hitany fa tsy maharitra ny fahasambaran’ny ratsy fanahy. Nihira toy izao ho an’i Jehovah àry izy: “Tsy misy mahafinaritra ahy eto an-tany, afa-tsy ianao.”—Salamo 73:3, 13, 16, 25, 27.

Misalasala koa angamba ianao indraindray, raha ilaina na tsia ny mankatò ny fitsipik’Andriamanitra. Toa sambatra mantsy ny olona tsy mankatò izany. Jereo anefa ny tena zava-misy, toy ny nataon’i Asafa. Diniho ny fiainan’izy ireo. Tena miadana ve izy? Misy zavatra mahasambatra fantany ve, nefa tsy fantatr’ireo mankatò an’Andriamanitra? Rehefa avy mandinika tsara ianao, dia azo antoka fa hiombon-kevitra amin’i Asafa. Hoy mantsy izy: “Ny manakaiky an’Andriamanitra no tsara amiko.”—Salamo 73:28.